Enxeñeira de Camiños, Canles e Portos, pasou de tender pontes de formigón a tender pontes coa imaxinación e as palabras.

Tras publicar dous álbums infantís, no 2017 gañou o Premio de Letras Novas de Castela e León co libro de relatos La pequeña de la casa.

Dende entón non deixou de escribir álbum ilustrado e novela, e colleitou diversos galardóns, entre os que cómpre destacar o Premio SM Gran Angular 2025 coa novela xuvenil titulada Hoy honramos a los vivos e o Premio Lazarillo 2025 pola novela Sobre cristales rotos.

Marina compaxina o seu labor de escritora coa docencia de Matemáticas en Educación Secundaria. Resulta paradoxal que alguén que dedica a súa vida profesional á racionalidade dos números se entregue ao romanticismo e á paixón das letras fóra das aulas.